Lyric

どぅたが きゆぬ ゆらまい やよー

あぐたが きゆぬ

ゆらまい やよなしゃがまよー

かんからどぉ

ういからどよい ゆらすだらよー

あにがまかなしゃよ

ぴしんな ぶりふぅ なんがまどぅんまゆ

ぱまや うちゃだな

しなっさ うちゃだな

やむいなむぬいら

ばんぬくぬ にしゃどぅんま

うむゆすにがまや とぅらだなやむいん

あにがまかなしゃよ

うわがゆ じゃあんど

とらゆでぃ やてぃがゆ

佐良浜でぃあいぬ

だかゆでぃやてぃがゆ かなしゃがまよ

佐良浜ぶーぬゆ

まさざりゅうまい

ゆみしつなししゃく

あにがまかなしゃよ

かりゆしゃがまひぃ

かないくーよー

っヴぁがまぬ ときゃんどぅ

んまー かん ないたい

あやひどぅ　ばー ぱーん そぅだてぃらいたい

ぱーや がっこうまい いでぃっだん

ば ずーまい ゆまいん

かつまいひらいん

やまとぅむぬいまい あっじゃいん

ひとぅどぅあたい

ばんとぅ　ぱーとぅが

むぬいや いつまい

すまぬ むぬいどぅ　あたい

すまぬ むぬいどぅ　はーさかたい

うわとぅやてぃがゆ いらゆかなしゃがま

あがずぬひゃうなぬ

なばなりんかい やらさばまいよー

あんみてぃどぉ

うどぅいてぃどぅいら

あらでぃんまーい

あんみてぃどぉ

さばうつばなたの ゆりの花だき

いんかいぬふちゃいど

さきやむぬよ

かなしゃがまよ

どぅゆたまぁい

じゅうしちはちんな ゆりぬ花だき

さきやみしでぃよ